Գյուղերում սկսվել է գարնանացանը, Գյուղնախարարությունն էլ հաշվարկում է իրականացրած ու նախատեսվող ծրագրերի արդյունավետությունը: Անհրաժեշտ քանակությամբ պարարտանյութը, սերմերն ու թունաքիմիկատներն արդեն ներկրվել են: Գյուղատնտեսության նախարարը նշում է բաշխումը լինելու է հասցեական, որակը`վերահսկելի:

Գյուղատնտեսությամբ զբաղվողներին նախարարը վստահեցնում է, գյուղացիական վարկերի սուբսիդավորման ծրագիրը կշարունակվի նույն պայմաններով: 99 մլրդ դրամի վարկ են տրամադրել 119.000 շահառուի: Վարկավորման ծրագիրը կշարունակվի, սակայն արդյունավետությունը բարձրացնելու համար նախարարությունը եկող տարվանից կուժեղացնի վերահսկողությունը:

Գյուղատնտեսության նախարարությունը գյուղացիական տեխնիկայի մայիսի վերջին կայան կստեղծի: Պիլոտային ծրագրի համար նախատեսված է 700 մլ դրամ: Եվրամիության աջակցությամբ էլ Արմավիրի ու Արարատի մարզերում 10 մլն դրամ կներդնեն կաթիլային ոռոգման հմակարգ ստեղծելու համար: Այն արդյունավետությունը կբարձրացնի 20-40 տոկոս, ջրօգտագործումն էլ կիսով չափ կկրճատի:

Աղբյուրը՝ Armeniatv.am