«Գյուղատնտեսության համար եղանակային պայմաններն այս տարի բարենպաստ են: Պետք է զբաղվել ավանդական մշակաբույսերի՝ լոլիկի, սմբուկի, պղպեղի մշակությամբ»,- այսօր լրագրողների հետ հանդիպման ժամանակ ասաց Ագրարագյուղացիական միավորման նախագահ Հրաչ Բերբերյանը՝ հավելելով, որ արդեն Արարատյան դաշտավայրում մեկնարկել է գարնանային գյուղատնտեսական աշխատանքները:

«Մենք պատրաստվում ենք լավ գյուղատնտեսական տարվա, լավ բերք է սպասվում»,- ասաց նա:

Բանախոսը նաև անդրադարձավ գյուղատնետսության թերևս ամենակարևոր բաղադրիչին` ոռոգմանը, շեշտեց, որ պետք է գյուղացու և Ջրօգտագործողների ընկերության միջև հարաբերությունները կարգավորելու համար հանձնաժողով ստեղծել, միաժամանակ նշեց, որ ՋրՊետԿոմ-ի անցումը գյուղնախարարույան ենթակայության տակ դրական է:

Նշենք, որ Ջրային տնտեսության պետական կոմիտեն մինչև վերջերս գտնվում է Տարածքային կառավարման նախարարության ենթակայության տակ, երբ ՏԿՆ-ն միացվեց Արտակարգ իրավիճակների նախարարությանը, ՋրՊետԿոմ-ը անցավ գյուղնախարարության ենթակայությանը: