ՀԱՅԱՍՏԱՆԻ ՏՆՏԵՍԱԿԱՆ ԱՃԸ` ՄԻԱՅՆ 2016 ԹՎԱԿԱՆԻՑ
04.05.2015![ՀԱՅԱՍՏԱՆԻ ՏՆՏԵՍԱԿԱՆ ԱՃԸ` ՄԻԱՅՆ 2016 ԹՎԱԿԱՆԻՑ ՀԱՅԱՍՏԱՆԻ ՏՆՏԵՍԱԿԱՆ ԱՃԸ` ՄԻԱՅՆ 2016 ԹՎԱԿԱՆԻՑ](/resources/raed/img/news/main/1430718226,99.jpeg)
«Հայաստանի ՀՆԱ-ն անկումը կկազմի մինուս 1%»,- այսօր այս մասին լրագրողների հետ հանդիպման ժամանակ ասաց տնտեսագետ Վիլեն Խաչատրյանը՝ հավելելով, որ Հայաստանը 2016-ից սկսած կարող է աճի միտումներ արձանագրել:
Այս իրավիճակը տնտեսագետը պայմանավորեց որոշ բացասական երևույթներով, այդ թվում նրանով, որ «մեր տնտեսությունը մեծապես կախված է Ռուսաստանից»:
«Ռուսական ընկերությունների ներկայացվածությունը Հայաստանում մեծ է և նրանցից յուրաքանչյուրի կորուստը Հայաստանում իր անդրադարձն է ունենում երկրի տնտեսության վրա»,- ասաց Վ. Խաչատրյանը:
Ինչ վերաբերում է միջազգային իրավիճակին, ապա տնտեսագետը ներկայացրեց Արժույթի միջազգային հիմանդրամի կանխատեսումները, ըստ որի` այս տարի Ռուսաստանի տնտեսության անկումը կկազմի 3.8%, Ուկրաինայում` 5.5%:
«2015 թվականին համաշխարհային տնտեսական աճը կկազմի 3.5%, իսկ ԱՊՀ տարածքում տնտեսական աճը կնվազի 2.6%-ով»,-ամփոփեց Վիլեն Խաչատրյանը: