ՀՀ գյուղատնտեսության նախարար Սերգո Կարապետյանն այսօր հանդիպել է ՀՀ կառավարության շենքի դիմաց հավաքված Արմավիրի և Արարատի մարզի մի խումբ ջերմոցային  տնտեսությունների սեփականատերերի  հետ: Հանդիպման ընթացքում նախարարը լսել է նրանց դժգոհությունները, խոստացել ուսումնասիրել  բարձրացված հարցերը և աջակցել առկա խնդիրների  լուծմանը: 

Նշենք, որ այսօր Կառավարության շենքի առջև բողոքի ակցիա էին կազմակերպել լոլիկի մշակությամբ զբաղվող ջերմոցատերերը, ովքեր իրենց  դժգոհություն էին հայտնում Թուրքիայից լոլիկի ներկրումներից, քանի որ այս դեպքում տեղական լոլիկը իրացվում է  ցածր գնով և դժվարությամբ, իսկ ջերմոցատերերը լոլիկ աճեցնելու համար մեծ ծախսեր են իրականացրել:

Ջերմոցատերերի հիմնական պահանջն է արգելել լոլիկի ներկրում: