Հայաստանում ջերմոցային բանջարեղենի նկատմամբ պահանջարկը լիովին չի բավարարվում: Այդ մասին հոկտեմբերի 31-ին, խորհրդարանում հայտարարեց գյուղատնտեսության նախարար Սերգո Կարապետյանը: Նրա խոսքով՝ ագրարային սեզոնից դուրս պահանջարկի բավարարման համար ծրագրվում է նոր վարկային ծրագիր գործարկել, որի շուրջ բանակցություններ են տարվում VTB (Հայաստան) բանկի հետ: «Մենք ակնկալում ենք, որ այս նախագծի շրջանակներում վարկերի ընդհանուր պորտֆելը կկազմի 150 մլն դրամ (մոտ 365 հազար դոլար՝ խմբ.)», - ասաց նախարարը: Ընդհանուր առմամբ, 2014թ. հանրապետությունում ջերմոցների կառուցումըն ընդլայնվել է: