Հայաստանում կավելացվի գյուղատնտեսական վարկերի տոկոսադրույքների սուբսիդիաները: Այդ մասին հոկտեմբերի 31-ին, պետբյուջեի 2015թ. նախագծի խորհրդարանական քննարկումների ժամանակ հայտարարեց ֆինանսների փոխնախարար Պավել Սաֆարյանը:

Նա նշեց, որ եթե 2014թ. այդ նպատակների համար հատկացվել է 872 մլն դրամ, ապա 2015թ. այդ թիվը առաջարկվում է հասցնել մինչեւ 1 մլրդ 163 մլն դրամ (2,8 մլն դոլար): Սուբսիդիաների ծավալների ավելացումը պայմանավորված է հետեւյալ հանգամանքներով. Եթե նախկինում սուբսիդավորվել է վարկի 4-6 տոկոսային կետ (վերջինը միայն բարձրլեռնային եւ սահմանամերձ գյուղերի հողագործների մասին է), ապա 2015թ. այդ 6 տոկոսային կետերը կտարածվեն բոլոր գյուղացիների համար: