ՎԱՐՉԱՊԵՏԸ ՄԱՍՆԿԱՑԵԼ Է ԵԳԻՊՏՈՍԻ ՏՆՏԵՍՈՒԹՅԱՆ ԱՋԱԿՑՈՒԹՅԱՆ ԵՎ ԶԱՐԳԱՑՄԱՆ ՄԻՋԱԶԳԱՅԻՆ ՀԱՄԱԺՈՂՈՎԻ ԲԱՑՄԱՆԸ
16.03.2015![ՎԱՐՉԱՊԵՏԸ ՄԱՍՆԿԱՑԵԼ Է ԵԳԻՊՏՈՍԻ ՏՆՏԵՍՈՒԹՅԱՆ ԱՋԱԿՑՈՒԹՅԱՆ ԵՎ ԶԱՐԳԱՑՄԱՆ ՄԻՋԱԶԳԱՅԻՆ ՀԱՄԱԺՈՂՈՎԻ ԲԱՑՄԱՆԸ ՎԱՐՉԱՊԵՏԸ ՄԱՍՆԿԱՑԵԼ Է ԵԳԻՊՏՈՍԻ ՏՆՏԵՍՈՒԹՅԱՆ ԱՋԱԿՑՈՒԹՅԱՆ ԵՎ ԶԱՐԳԱՑՄԱՆ ՄԻՋԱԶԳԱՅԻՆ ՀԱՄԱԺՈՂՈՎԻ ԲԱՑՄԱՆԸ](/resources/raed/img/news/main/1426490887,08.jpeg)
Աշխատանքային այցով Եգիպտոսի Արաբական Հանրապետությունում գտնվող ՀՀ վարչապետ Հովիկ Աբրահամյանը մասնակցել է «Եգիպտոսի տնտեսության աջակցության և զարգացման» միջազգային համաժողվի բացմանը: Այս մասին հայտնում են Կառավարությունից:
Միջոցառման ընթացքում քննարկվել են Եգիպտոսի և ընդհանրապես համաշխարհային տնտեսությունում առկա իրավիճակը, առաջիկայում հնարավոր զարգացումները, մարտահրավերները, խնդիրներն ու դրանց լուծման հնարավոր տարբերակներն ու ուղիները:
Համաժողովում բացման խոսքով հանդես է եկել Եգիպտոսի նախագահ Աբդել Ֆաթթահ Ալ-Սիսին: Միջոցառմանը ներկա էին մոտ հարյուր պետություններից նախագահներ, կառավարությունների ղեկավարներ, միջազգային ֆինանսական կառույցների ղեկավարներ, պատասխանատուներ:
Եգիպտոսի նախագահ Աբդել Ֆաթթահ Ալ-Սիսիի անունից համաժողովի մասնակիցների պատվին տրվել է պաշտոնական ընթրիք: