ՎԱՐՉԱՊԵՏ. ԻՄ ԴՌՆԵՐԸ ԲԱՑ ԵՆ ԲՈԼՈՐ ՈՂՋԱՄԻՏ ԱՌԱՋԱՐԿՆԵՐԻ ՈՒ ԾՐԱԳՐԵՐԻ ՀԱՄԱՐ
02.07.2015![ՎԱՐՉԱՊԵՏ. ԻՄ ԴՌՆԵՐԸ ԲԱՑ ԵՆ ԲՈԼՈՐ ՈՂՋԱՄԻՏ ԱՌԱՋԱՐԿՆԵՐԻ ՈՒ ԾՐԱԳՐԵՐԻ ՀԱՄԱՐ ՎԱՐՉԱՊԵՏ. ԻՄ ԴՌՆԵՐԸ ԲԱՑ ԵՆ ԲՈԼՈՐ ՈՂՋԱՄԻՏ ԱՌԱՋԱՐԿՆԵՐԻ ՈՒ ԾՐԱԳՐԵՐԻ ՀԱՄԱՐ](/resources/raed/img/news/main/1435832809,69.jpeg)
Այսօր՝ մինչև կառավարության նիստի մեկնարկը, ՀՀ վարչապետ Հովիկ Աբրահամյանն անդրադարձավ օրերս Հայաստանում տեղի ունեցած տնտեսական համաժողովին, նշեց, որ համաժողովին մասնակցում էին գործարար աշխարահի, հասարակական սեկտորի ներկայացուցիչներ, քննարկվել են երկրի տնտեսական հարցերը` երկարաժամկետ ռազմավարության և կարճաժամկետ քայլերը:
«Համաժողովում հնչեցին թե՛ զգացմունքային, թե՛ առողջ քննադատություն, թե՛ կոնկրետ առաջարկությւոններ»,- ասաց վարչապետը և կրկնեց համաժողովում հնչեցրած իր ուղերձը` մեր դռները բաց են բոլոր ողջամիտ առաջարկների ու ծրագրերի համար. ցանկացած առաջարկ, որը կօգնի մեր ընդհանուր գործին, կգնահատվի՝ ըստ առժանվույն:
«Հայաստանը կարիք ունի շահագրգիռ և առողջ ուժերի ջանքերի ու աշխատանքի: Համաժողովը ցույց տվեց, որ քննարկումների կարիք կա, արժե, որ քննարկումներն այժմ անել այլ ֆորմատով` կարճ, ավելի ուղղորդված»,- ասաց Հ. Աբրահամյանը, հանձնարարելով նախարարությունների փորձագիտական ընդգրկմամբ անցկացնել կարճ քննարկումներ: