Լուրեր

ԿԱՌԱՎԱՐՈՒԹՅՈՒՆԸ ԳՅՈՒՂԱՏՆՏԵՍԱԿԱՆ ՎԱՐԿԵՐԸ ԿՍՈՒԲՍԻԴԱՎՈՐԻ 6 ՏՈԿՈՍՈՎ

19.02.2015

ԿԱՌԱՎԱՐՈՒԹՅՈՒՆԸ ԳՅՈՒՂԱՏՆՏԵՍԱԿԱՆ ՎԱՐԿԵՐԸ ԿՍՈՒԲՍԻԴԱՎՈՐԻ 6 ՏՈԿՈՍՈՎ

Կառավարությունն ավելացնում է գյուղացիական տնտեսություններին տրամադրվող վարկերի տոկոսադրույքների սուբսիդավորման ծավալը։ Եթե մինչև հիմա գյուղվարկերը սուբսիդավորվում էին 4-6 տոկոսով՝ կախված համայնքների կարիքավորության աստիճանից, ապա այս տարի բոլոր վարկերը կփոխհատուցվեն 6 տոկոսով։

Այլ կերպ ասած, գյուղվարկերի տոկոսների մարման ծանրաբեռնվածությունն այդքանով ստանձնում է կառավարությունը։ Այդ նպատակով ավելացվել է պետական բյուջեով նախատեսված գումարը։ Անցած տարվա 872,5 մլն դրամի փոխարեն 2015թ. համար պլանավորված է ավելի քան 1 մլրդ 163 մլն դրամ։ Սա գրեթե 33 տոկոսով գերազանցում է նախորդ տարվա գումարը։

Գյուղվարկերի սուբսիդավորումը կարևոր քայլ է գյուղացիական տնտեսությունների աջակցության առումով։ Դրանով զգալիորեն թեթևանում է վերջիներիս տրամադրվող վարկերի ծանրաբեռնվածությունը։ Մինչև հիմա գյուղվարկերը տրամադրվել են 14 տոկոս տոկոսադրույքով։ Եթե հաշվի առնենք, որ դրա 6 տոկոսի մարման պարտավորությունը ստանձնում է կառավարությունը, ապա ստացվում է, որ դրանք դառնում են 8 տոկոսանոց վարկեր։

Իհարկե, 8 տոկոսը ևս փոքր չէ, բայց դժվար չէ պատկերացնել, թե ինչպիսին կլիներ իրավիճակը, եթե կառավարությունը հանդես չգար նման նախաձեռնությամբ։ Պատահական չէ, որ դրա արդյունքում վերջին տարիներին զգալիորեն ավելացել են գյուղացիների կողմից ներգրավող վարկային միջոցները։

Ինչպես հայտնի է, գյուղացիական տնտեսությունները գյուղվարկերի տոկոսադրույքների սուբսիդավորումից օգտվում են՝ սկսած 2011թ.։ Այս ընթացքում տրամադրվել է ավելի քան 69 մլրդ դրամի վարկ։ Պետության կողմից սուբսիդավորված գումարը հասնում է 2,4 մլրդ դրամի։

Գյուղվարկերի տոկոսադրույքների փոխհատուցման, ինչպես նաև այլ օժանդակությունների՝ մատչելի պարարտանյութեր, սերմացու, վառելիք տրմադրելու  միջոցով կառավարությունն ակնկալում է նպաստել Հայաստանում գյուղատնտեսության զարգացմանը և ոլորտի արտադրության ծավալների ավելացմանը։ Հատկապես որ, գյուղմթերքների իրացման համար ստեղծվել է բարենպաստ միջավայր՝ Եվրասիական տնտեսական տարածքին Հայաստանի անդամագրումից հետո։





Վիդեո բաժին
Հրապարակումներ
ԱՇԽԱՏԱԺՈՂՈՎ10:5422.01.2016Գյուղական ենթակառուցվածքները կզարգանան IFAD—ը շատ է կարեւորում Հայաստանի հետ...
IFAD-ՀՀ 20-ԱՄՅԱ ՀԱՄԱԳՈՐԾԱԿՑՈՒԹՅՈՒՆ09:4704.11.2015 «Գյուղատնտեսության զարգացման միջազգային հիմնադրամ» (ԳԶՄՀ)-ՀՀ 20-ամյա համագործակցությունը...
Լուրեր
ՎԱՀԱՆ ՔԵՐՈԲՅԱՆԸ ԾԱՆՈԹԱՑԵԼ Է ԳՅՈՒՂԱԿԱՆ ՖԻՆԱՆՍԱՎՈՐՄԱՆ ԿԱՌՈՒՅՑԻ ԳՈՐԾՈՒՆԵՈՒԹՅԱՆԸ11:4001.03.2021ՎԱՀԱՆ ՔԵՐՈԲՅԱՆԸ ԾԱՆՈԹԱՑԵԼ Է ԳՅՈՒՂԱԿԱՆ ՖԻՆԱՆՍԱՎՈՐՄԱՆ ԿԱՌՈՒՅՑԻ...
ՏԻԳՐԱՆ ԱՎԻՆՅԱՆՆ ԸՆԴՈՒՆԵԼ Է ԳՅՈՒՂԱՏՆՏԵՍՈՒԹՅԱՆ ԶԱՐԳԱՑՄԱՆ ՄԻՋԱԶԳԱՅԻՆ ՀԻՄՆԱԴՐԱՄԻ ՆԵՐԿԱՅԱՑՈՒՑԻՉՆԵՐԻՆ11:3808.06.2018ՀՀ փոխվարչապետ Տիգրան Ավինյանը հյուրընկալել է Գյուղատնտեսության զարգացման միջազգային հիմնադրամի...
ԻՆՏԵՆՍԻՎ ՊՏՂԱՏՈՒ ԱՅԳԻՆԵՐԻ ՀԻՄՆՄԱՆ, ԿԱՐԿՏԱՊԱՇՏՊԱՆ ՑԱՆՑԵՐԻ և ԿԱԹԻԼԱՅԻՆ ՈՌՈԳՄԱՆ ՀԱՄԱԿԱՐԳԵՐԻ ՆԵՐԴՐՄԱՆ ՀԱՄԱՐ ՍՈՒԲՍԻԴԱՎՈՐՎԱԾ ՎԱՐԿԵՐ ԿՏՐԱՄԱԴՐԻ ՆԱև «ԿՈՆՎԵՐՍ ԲԱՆԿԸ»11:0009.02.2018ՀՀ գյուղատնտեսության նախարարի տեղակալ Աշոտ Հարությունյանը, Կոնվերս բանկի կորպորատիվ բիզնեսի գծով...
ՄԵԿՆԱՐԿՈՒՄ ԵՆ ԻՆՏԵՆՍԻՎ ՊՏՂԱՏՈՒ ԱՅԳԻՆԵՐԻ, ԿԱՐԿՏԱՊԱՇՏՊԱՆ ՑԱՆՑԵՐԻ և ԿԱԹԻԼԱՅԻՆ ՈՌՈԳՄԱՆ ՀԱՄԱԿԱՐԳԵՐԻ ՆԵՐԴՐՄԱՆ ՍՈՒԲՍԻԴԱՎՈՐՄԱՆ ԾՐԱԳՐԵՐԸ15:3929.01.2018ՀՀ գյուղատնտեսության նախարարի տեղակալ Աշոտ Հարությունյանը, «ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ»-ի գլխավոր...
ՀԱՎԱՆՈՒԹՅԱՆ Է ԱՐԺԱՆԱՑԵԼ ՀԱՅԱՍՏԱՆՈՒՄ ԳՅՈՒՂԱՏՆՏԵՍԱԿԱՆ ՏԵԽՆԻԿԱՅԻ ՖԻՆԱՆՍԱԿԱՆ ՎԱՐՁԱԿԱԼՈՒԹՅԱՆ` ԼԻԶԻՆԳԻ ՊԵՏԱԿԱՆ ԱՋԱԿՑՈՒԹՅԱՆ ԾՐԱԳԻՐԸ16:4225.04.2017ՀՀ կառավարությունում մարտի 16-ին գումարվել է հերթական նիստը, որը վարել է ՀՀ վարչապետ Կարեն...
ԳՅՈՒՂՎԱՐԿԱՎՈՐՄԱՆ ԾՐԱԳԻՐԸ ԿՇԱՐՈՒՆԱԿՎԻ16:1831.03.2017Գյուղերում սկսվել է գարնանացանը, Գյուղնախարարությունն էլ հաշվարկում է իրականացրած ու նախատեսվող...







Տարադրամի փոխարժեք
USD-482.59
EUR-543.30
RUB-8.53